"मलाई राजनीतिमा मतलब छैन…❞
आजको पुस्तामा फैलिएको सबैभन्दा खतरनाक सोच यही हो।
"म राजनीतिमा चासो राख्दिन", "देशमा केही हुनेवाला छैन", "सब पार्टी उस्तै छन्", "बरु विदेश गएर पैसा कमाउँछु" भन्ने मानसिकता...
यिनै सोचले देशलाई दिन–दिनै कम्जोर बनाउँदै लगेको छ।

तर अब तपाईं सँग केही सिधा प्रश्नहरू छन्:
🔸 के तपाईं यस्तो देशमा बस्दै हुनुहुन्छ जहाँ
सबै बालबालिकाले गुणस्तरीय शिक्षा पाउँछन्?

🔸 के तपाईंको परिवारका सदस्यले
समयमै औषधि, अस्पताल, अक्सिजन पाउँछन्?

🔸 के तपाईं निश्चित जात, धर्म वा वर्गको आधारमा
अपमानित नभइ स्वतन्त्रतापूर्वक बाँच्न सक्नुहुन्छ?

🔸 के तपाईंले सरकारी कार्यालयमा काम गराउँदा
कहिल्यै घुस दिएकै छैन?

यदि होइन भने — तपाईं राजनीतिसँग असम्बन्धित हुनु सक्नुहुन्न।

🌍 “राजनीतिमा चासो नराख्नेहरू प्रायः विशेषाधिकार प्राप्त व्यक्ति हुन्छन्।”
तपाईंले राजनीति त छाड्नुभयो,
तर राजनीति तपाईंलाई कहिल्यै छाड्दैन।

विद्यालयमा तपाईंको छोराछोरी के पढ्छन् — राजनीतिक निर्णय हो।

अस्पतालमा कसले उपचार पाउँछ, कसले मर्छ — राजनीतिक प्राथमिकता हो।

देशको आर्थिक नीति, आरक्षण, कर व्यवस्था — सब राजनीति हो।

❗राजनीति फोहोरी छ भन्नु सजिलो छ...
तर साच्चिकै प्रश्न त यति हो:
"त्यो फोहोर सफा गर्न तपाईंले के गर्नुभयो?"

राजनीतिलाई फोहोरी भन्नुहुन्छ, तर
भ्रस्टाचार रोक्न कहिल्यै उजुरी गर्नुभयो?
सामुदायिक छलफलमा सहभागी हुनुभयो?
स्थानीय नेतृत्व छान्दा जिम्मेवारीपूर्वक मतदान गर्नुभयो?

🧭 अब समय आएको छ — सजग नागरिक बन्ने।
राजनीति भन्नाले केवल पार्टीको झण्डा हैन,
राजनीति भन्नु नै जनताको जीवन र भविष्य हो।

सुरुवात आफैबाट गरौं:

✅ जात, धर्म, लिंग, वर्गका आधारमा हुने हरेक अन्यायको विरोध गरौं।
✅ अफिस, कलेज, चोकमा हुने लिङ्गभेद, नश्लवाद, जातीय टिप्पणीविरुद्ध बोलौं।
✅ आफ्नो विशेषाधिकारलाई शोषितका लागि आवाज बनाऔं।

🎯 निष्कर्ष:
"म राजनीतिमा चासो राख्दिन" भन्ने हरू —
जसले चासो राख्छ, उही तपाईँको नियति बनाउँछ।

अब समय छ — नागरिक होइन, उत्तरदायी नागरिक बन्ने।
जुन देशले हामीलाई दिएको छ, अब त्यो देशका लागि केही फर्काउने।

✊ **"राजनीति मेरो विषय होइन" भन्ने सोचलाई फेरौं।
"न्याय, समानता र स्वतन्त्रता मेरो जिम्मेवारी हो" भन्ने भाव जगाऔं।

डॉ चन्द्र भुषण सिंह